Friday, May 6, 2011

ഒരു അട്ട എന്റെ ചോര

ഓടിയും നടന്നും മടുത്തു. ഈ കട്ടില്‍ ഞാന്‍ ഒറ്റപ്പെട്ടുപോയി, ദിശ അറിയില്ല എങ്ങോട്ട് പോകണം ?
ശ്ശൊ, വന്ന വഴി മറന്നു! എങ്ങനെ തിരിച്ചു പോകും?. എന്തായാലും മുന്നോട്ടു നടക്കാം.
ഭൂമിക്കു നല്ല തണുപ്പ്, ഈര്‍പ്പം തങ്ങി നില്കുന്നു, തിങ്ങി നില്‍ക്കുന്ന മരങ്ങള്‍ക്കിടയില്‍ക്കൂടി ചോര്‍ന്നൊലിക്കുന്ന സൂര്യപ്രകാശം, ഭംഗിയുള്ള കാഴ്ചതന്നെ.
പക്ഷെ, അതല്ലോ എന്റെ പ്രശ്നം! എങ്ങനെ പുറത്തു കടക്കും?
പെട്ടന്ന് കാലില്‍ എന്തോ ഒരു തണുപ്പ്  തോന്നി , പാന്റ് തെറുത്തു കയറ്റി നോക്കി ഒരു അട്ട എന്റെ ചോര കുടിച്ചു വീര്‍ത്തിരിക്കുന്നു അവന്‍,
"ദ്രോഹി..." ഞാന്‍ അലറി, അത് കേട്ടിട്ടാവണം  അവന്‍ ഉരുണ്ടു താഴെ വീണു, സത്യം അതല്ല കുടിച്ചു മടുത്തപ്പോള്‍ അവന്‍ പിടി വിട്ടതാ!
തറയിലേക്കു നോക്കിയ ഞാന്‍  ഞെട്ടി എന്റെ ചുറ്റും തേരട്ടകള്‍, ഈര്‍ക്കിലിടെ അറ്റം മാത്രം ഓടിച്ചു മണ്ണില്‍ കുത്തിവെച്ചപോലെയുണ്ട്
പെട്ടന്ന് അവന്‍ വലുതാവുന്ന പോലെ തോന്നി, അവന്‍ മാത്രമല്ല ചുറ്റും ഉള്ളവരും വലുതാവുന്നു.
ദ്രോഹി എന്ന് വിളിച്ചതിന്  പകരം ചോദിയ്ക്കാന്‍ വരുന്നതാണോ ? തിരിഞ്ഞു ഓടാനായി പുറകോട്ടു നോക്കി ദേ അവിടെയും ഒരെണ്ണം,
ഇതു വലിയ തൊല്ല ആയല്ലോ ഈശ്വരാ ? വിയര്‍പ്പു അണപൊട്ടി ഒഴുകി, ഓടാന്‍ ശ്രമിച്ചു പറ്റിയില്ല ചുറ്റും അവറ്റകള്‍ എന്നെ വളഞ്ഞിരിക്കുന്നു,
നേതാവാണെന്ന് തോനുന്നു അവന്‍  എന്റെ അടുത്തേക്ക്  തല നീട്ടി, ചോദ്യം ചെയ്യാന്‍ എന്നാ മട്ടില്‍, എന്റെ ചെവിയില്‍ അവന്‍ അലറി..  
ടിക്ക് .. ടിക്ക് .. ടിക്ക് ..
ഞാന്‍ ഞെട്ടി എണിറ്റു, വിയര്‍ത്തു കുളിച്ചിരിക്കുന്നു..
അപ്പോളും അലാറം ചിലച്ചു കൊണ്ടിരുന്നു
ടിക്ക് .. ടിക്ക് .. ടിക്ക് ..